ماهى حدود المكالمات التليفونيه بين المخطوبين

[الايمان بالله ورسوله]

السلام عليكم ورحمة الله وبركاته

ممكن اسأل فضيلتكم عن حدود المكالمات التليفونيه بين المخطوبين

ليا صديقتى مخطوبه

وهى ملتزمه

وهى تسأل ما هى الحدودو المكالمات بينها وبين خطيبها

يعنى هى مثلا فى فترة امتحانات

عادى لو هو كلمها قبل الامتحان وبعد الامتحان

وممكن المكالمه تتجاوز التلت ساعه او النص ساعه

مع العلم ان مفيش حد من محارمها بيكون واقف جمبها

هى المكالمه دى تعتبر خلوة

مع العلم ايضا ان مفيش كلام خارج ما بنهم زى (وحشتينى)

بس اهلها عارفين انه بيكلمها فى التليفون

ياريت فضيلتكم تقولى اقولها ايه وانصحها بأيه

وجزاكم الله خيرا

[مُحب ام المؤمنين خديجة]

ده تفريع من محاضرة للشيخ هانى حلمى


بعنوان احلى خطوبة




ما حكم المكالمات التليفونية ؟


واحدة ردت فى الاستبيان تقول :


" هو ده سؤال سنة 1960 أم ماذا ! "


والأخرى تقول :


" لما كنت مصاحبة كنت أكلم صاحبى ، لما اتخطب لا أكلمه ؟! "


واحد آخر يقول :


" طبعا حلال ، ده شىء أساسى ، وفى أى وقت "


واحدة أخيرة تقول


" لو حتى يتصل الساعة أربعة صباحا ، مفيش أى مشكلة ، أنا أهلى متفاهمين تماما "


وفيه ناس آخرين تحفظت على الموضوع وقالت ممكن تحصل مكالمات تليفونية لكن بضوابط ..



أنا سأقول لكم الحكم ، بس لما أقول هذه الضوابط فعلا


إذا تحدثت معها فى التليفون يجب أن تراعى



1) أن يكون هذا بموافقة الولى وعدم ممانعة منهم


2) أن يتم ذلك فى وجود محرم


كيف ؟


مثلا ترفع صوت الهاتف ، ويتكلموا فى الكلام العام


لأن يا شباب أن نترك الموضع مفتوح هكذا ، الأول تسأل عن صلاة الفجر ، ثم تطمان على دراستها ، القليل من الكلام سيؤثر عليكم ، حتى وإن ارتبك الشاب فى الكلام ستجد البنت نفسها تقول " ياااه ده مش قادر خلاص ! "



3) أن يكون الحديث بالمعروف ، الكلام الرسمى الذى من الممكن أن يحدث بين أثنين مفيش علاقة بينهم ، كلام رسمى


مثلا تتفقوا على شراء شىء معين فى الأثاث ، أو هى تريد أن تسأل عن معنى معين ن بشرط أن تكون الأمور منضبطة



وبالطبع لا يكون فى الحديث ما يثير الشهوة أو يوقع فى الفتنة



4 ) أن يكون فى حدود الحاجة بدون مبالغة فيه


ليس كل يوم .. وكل ساعة .. وكل دقيقة !



5 ) أن لا يجد طريقا آخر يبلغها بما يريد غير هذا


يعنى إن استطاع ان تتكلم أخته بدلا منه ، أو يكلم هو أخوها ويوصل رسالة يكون أفضل ، ليس ضرورى أن تسمع الصوت الحنين الآن !






المحاضرة كاملة مفرغة هنا
http://www.manhag.net/main/images/fbfiles/files/0_50.doc